Sosial şəbəkə istifadəçiləri Azərbaycanın bu il Avroviziya Mahnı Müsabiqəsində iştirakına etiraz edir.
Bakupost.az xəbər verir ki, “Facebook”da başladılan etiraza səbəb Azərbaycanın şəhidlər verərək müharibədən yenicə çıxmasının ardınca belə bir müsabiqəyə qoşulmasıdır. Şəbəkə istifadəçiləri qeyd edir ki, hələ də itkin düşmüş hərbçilərin şəhid xəbərləri gəlir və Azərbaycan belə bir ərəfədə Avroviziyaya qoşulmamalı idi.
Amerikada yaşan azərbaycanlı rejissor Elmar Bayramov öz “Facebook” hesabında bildirib ki, cəmi bir neçə ay öncə canlarını “Azərbaycan” deyərək qurban verən igidlərimizin ehtiramını saxlamaq, şiddətli vacib və mühümdür: “General rütbəsindən kiçik əsgərə qədər, 2-ci Qarabağ müharibəsindəki ümumi şəhidlərimizin bu günə kimi yenilənən sayı 2 881 nəfərdir. Demirəm bütün ömrümüzü yas tutaq və dünyadan kənarda qalaq. Bu il “Eurovision”da iştirak etməyimiz deyək ki, vacib idi. Bu halda, bu rəqslə, ya bu geyimləmi vacib idi? Dil dişləmələri, öz aləmlərində “seksual” poz və ya xoreoqrafik elementlər göstərməklə, yenicə müharibədən çıxmış Azərbaycanı təmsil etdilər. Qazilərimizin yaralarının qanı qurumamış təmsil etdilər. Bu görüntüdə nə qədər vacib idi? Vallah, mən müəyyən edə bilmirəm, bəlkə mən geridə qalmışam və ya bu işin əhəmiyyətini dərindən anlamıram. Xahiş edirəm, bilən varsa izah etsin, biz bilməyənlər də agah olsun”.
Etirazçılar “Belə hallar görəndə şəhidlərin qanından utanıram...”, “Bu ifanı edənlər və onları dəstəkləyən kateqoriya üçün dünyada dəyər, sevgi, Vətən anlayışı yoxdur, onlarda hər şey sünidir”, “Şəhidlərin xatirəsinə nəsə bir şey etmək lazımdır, belə səhnələr biyabırçılıqdır” və s. bu kimi postlar paylaşıblar.
pia.az
Digərxəbərlər
Populyar xəbərlər
